पीत वर्णाचे महात्म्य

लाड सका(शाखीय) वाणी समाजाची सांस्कृतिक राजधानी धुळे या जिल्ह्यातील "थळनेर" या गावची माहेरवाशीण व लाड वाणी समाजकन्या,गानकोकिळा श्रीमती लतादीदी मंगेशकर यांनी वर्णन केलेल्या त्यांच्या बालपणीच्या "गणपती बाप्पां" च्या स्मृती समस्त लाड सका(शाखीय) वाणी समाज बांधवांनी अवश्य वाचाव्या.

"व्यापार" हा पारंपारिक व्यवसाय असलेल्या लाड सका(शाखीय) वाणी समाजाचे "गणपती बाप्पा" हे आराध्य दैवत ! तर "गणपती बाप्पां" चे वाहन "मूषक" हे "सुबत्ते" चे लक्षण !

नोटा व नाणी(चलन) अस्तित्वात येण्यापूर्वी व्यापारी मंडळी आपली संपत्ती पिवळ्या रंगाची वनस्पतीजन्य धान्याची "कणसे" ,पिवळ्या रंगाचा प्राणीजन्य पदार्थ "तूप" व आपल्या व्यवसायातून संकलित केलेला "सोने" हा पिवळ्या रंगाचा धातू या स्वरूपात मोजत असत.त्यामुळे "पीत(पिवळा)" रंग हा व्यापारी म्हणजे "वैश्य" वर्णाचे प्रतिक मानला जात असे.

जेथे "कणीस" तेथे "उंदीर" ! त्यामुळे "गणपती बाप्पां" चे वाहन "मूषक" हे आर्थिक "सुबत्ते" चे लक्षण मानले जाते.

लाड सका(शाखीय) वाणी समाजाच्या आगामी राष्ट्रीय अधिवेशनाचा "ध्वज" व "बोधचिन्ह" ठरविताना या गोष्टींचा अवश्य विचार व्हावा.ही नम्र विनंती.

आपला कृपाभिलाषी,

प्रा.डाॅ.दिलीप बाळकृष्ण वाणी

व्यवस्थापक

फेसबुक वरील "History of Lad Saka (Shakhiy) Wani Samaj" हा सार्वजनिक अभ्यास गट(सभासद संख्या - ६६१८)