माझे कुलग्राम - पिलखोड

"पिलखोड" हे लाड सका(लाड शाखीय) वाणी समाजातील "देव व शिरोडे" या कुलाच्या समाजबांधवांचे "कुलग्राम" आहे.

लाड सका(लाड शाखीय) वाणी समाजाची सांस्कृतिक राजधानी "धुळे" या शहरापासून फक्त ४४ कि.मी.अंतरावर,जळगाव जिल्ह्यातील चाळीसगाव तालुक्यात वसलेले "देव व शिरोडे" कुलबांधवांचे "पिलखोड" हे गाव अजूनही "मोठे खेडे" म्हणावे एवढेच प्रगत झालेले आहे. जेमतेम १०७५ कुटुंबांचे वास्तव्य असलेलल्या या मोठ्या खेड्यात फक्त ५२२२(२७२९ पुरुष व २४९१ स्त्रिया) लोक राहतात.

ज्यांना आधुनिक शिक्षण घेणे गरजेचे आहे अशी बाल-गोपाल मंडळी एकूण लोकसंख्येच्या १४.४१% असून "पिलखोड" या मोठ्या खेड्याची साक्षरता(७७.%), महाराष्ट्राच्या साक्षरतेच्या प्रमाणापेक्षा(८२.३४%) बरीच खाली आहे हे येथे लक्षात घेतले पाहिजे. "पिलखोड" या मोठ्या खेड्यातील मुलींच्या शिक्षणाचे प्रमाण(६८.५९%) मुलांच्या शिक्षणाच्या प्रमाणापेक्षा(८६.१८%) खूपच खाली आहे हे सुद्धा ध्यानात ठेवले पाहिजे.

"पिलखोड" या मोठ्या खेड्यात आज जे.एन.इ.,टोडलर अकादेमी,पुष्कर निकुंब,संजय भालेराव अशा शाळा व शेजारील चाळीसगाव शहरात अे.बी.हायस्कूल सारख्या शैक्षणिक संस्था, "पिलखोड" मधील साक्षरतेचे कमी असलेले हे प्रमाण वाढवण्यासाठी कौतुकास्पद काम करीत आहेत.

प्रा.डॉ.दिलीप बाळकृष्ण वाणी(देव,भडगावकर)

Email I.D. - medicarelabs@gmail.com

भ्रमणदूरभाष :- ९८२३२३०४६६