बागलाण शेतकरी संघ

महाराष्ट्रातील "सका/शक/Scythian" वंशाच्या "लाड सका(लाड शाखीय) वाणी" समाजामधील "सामाजिक उत्क्रांती व परिवर्तन"

इ.स.१९२९ साली नाशिकचे ब्रिटीश कमिशनर "श्री. आर.जी.गोर्डन" यांचा, बागलाणच्या सारावाढी विरोधी जनआंदोलनाच्या कार्यकर्त्यांशी चर्चा करण्याचा मनसुबा लाडसक्का/लाडसका/लाडशिक्के/लाडशाखीय वाणी समाजाचे "समाजरत्न" श्री. नरहर गोपाळ अलई उर्फ “बागलाणचे बाबा" यांनी उधळून लावला.

"ब्रिटीश कमिशनर" सारखा अधिकारी जनतेला भेटण्यासाठी येतो आणि जनता त्याची भेट नाकारते ही घटना अभूतपूर्व होती. बागलाणच्या जनतेची ही "अभेद्य एकजूट" पाहून नाशिकचे ब्रिटीश कमिशनर श्री.आर.जी.गोर्डन यांनी नमते घेतले व बागलाण शेतकरी संघाच्या कमिटीला चर्चेसाठी नाशिकला येण्याचे निमंत्रण दिले. शेवटी दि.२० फेब्रुवारी,१९२९ रोजी ही भेट झाली.

या आंदोलनाची परिणिती "सरदार वल्लभभाई पटेल" यांच्या नेतृत्वाखाली "मुंबई इलाखा शेतकरी संघा" च्या स्थापनेत झाली. त्याच्या बागलाण शाखेची स्थापना दि. ८ ऑगस्ट,१९२९ रोजी लाडसक्का/लाडसका/लाडशिक्के/लाडशाखीय वाणी समाजाचे "समाजरत्न" श्री. नरहर गोपाळ अलई उर्फ “बागलाणचे बाबा" यांच्या नामपूर येथील वाड्यात झाली. तिच्या कार्यकारिणीवर समाज बांधव श्री.केशव गणपत खुटाडे यांची उपाध्यक्ष म्हणून नियुक्ती करण्यात आली.

पुढे १८ ऑगस्ट,१९२९ रोजी सटाणा येथे "बागलाण शेतकरी संघा" ची व्यापक बैठक झाली. त्यामुळे बागलाणातील "सारावाढी विरोधी जनआंदोलना" ला गुजरात मधील बार्डोलीच्या आंदोलनासारखा राष्ट्रीय दर्जा मिळाला.

अशा प्रकारे लाडसक्का/लाडसका/लाडशिक्के/लाडशाखीय वाणी समाजाचे "समाजरत्न" श्री. नरहर गोपाळ अलई उर्फ “बागलाणचे बाबा" यांच्या घरी सुरु झालेले हे बागलाणातील सारावाढी विरोधी जनआंदोलन पुढे भारतीय स्वातंत्र्य आंदोलनाच्या दिशेने विकसित झाले.

आपला कृपाभिलाषी,

प्रा.डॉ.दिलीप बाळकृष्ण वाणी(देव,भडगावकर)

Email I.D. - medicarelabs@gmail.com

भ्रमणदूरभाष :- ९८२३२३०४६६