"सुवर्णमहोत्सवी स्नेहसंमेलनाचा लेखाजोखा - भाग ४५"

"सुवर्णमहोत्सवी स्नेहसंमेलनाचा लेखाजोखा - भाग ४५"

"BJMC-1973 Batch" चे वैशिष्ट्यपूर्ण सुवर्णमहोत्सवी स्नेहसंमेलन नुकतेच संपन्न झाले.सर्वांचे मन:पूर्वक अभिनंदन ! नसली व दीप्याचे विशेष अभिनंदन ! त्यांनी पुढाकार घेतलेली "BJMC-1973 Batch Scholarship" योजना आता आपल्या बॅचच्या बाहेर देखील चांगलीच मुळे धरू लागली आहे.अभिनंदन !

मंगलने बीजे मधील विद्यार्थी ज्या वातावरणात रहातात व अभ्यास करतात त्याबद्दल खेद व्यक्त केला आहे व काॅलेजच्या किमान रगरंगोटी व स्वच्छेतेची अपेक्षा व्यक्त केली आहे.सध्याचे तेथील उदास वातावरण पहाता तिला नव्या सुधारणा बघायची इच्छाच झाली नाही.

सुदैवाने मला "भारती विद्यापीठा" सारख्या श्रीमंत वैद्यकीय महाविद्यालयात दीर्घकाळ काम करायची संधी मिळाली. तेथील "चकाचक" वातावरणापुढे आपली मातृसंस्था खूपच दैन्यावस्थेत आहे हे लगेच जाणवले.

पण त्याच मातृसंस्थेने आपल्याला हे देखील शिकवले आहे की "मिळकत" फक्त "आर्थिक संपत्ती" नसते,तर अनुभव, नाती,मान-सन्मान,चांगले विचार आणि चांगले मित्र हीच खरी मिळकत असते !

या सुवर्णमहोत्सवी स्नेहसंमेलनात मला तरी ते चांगलेच जाणवले.तुम्हाला ?